盏鬼粤语外来词(日本篇)

喺呢间近期“人气”好高嘅《美食“物语”》入面先点一碟“天妇罗”，再食一个三文鱼“刺身”，饮杯“沙茄”后，嚟多份杂锦“寿司”，“特卖”咖啡；一边欣赏明星“写真”，再一边食住碗“乌冬”，真系正啊！

　　呢啲粤语外来词都系源自日文，依家都被大家接受同广泛使用。粤语具有较强嘅开放性、比较易于接受外来新事物，敢于模仿同学习其他地方嘅事物。唔少后生仔女会觉得使用呢啲盏鬼嘅粤语外来词会比较潮，比较IN。

　　其实借用日文嘅词语唔系依家先有嘅事情，早喺1895年甲午战争以后，学习邻近国家嘅重要性已被逐渐意识到。因此大量嘅日文字词通过留学生以及经翻译嘅书籍开始进入我国，并广泛使用。好似干部、主任、教员、体操、图书馆等都系嗰阵时由日本流入嘅外来词。

　　粤语入边有咁多嚟自日文嘅外来词，除咗因为粤人善于推陈出新，敢于探索尝试之外，主要由于日文词汇有一半以上来自汉语，虽然读音唔同，但系好多外来词我哋可以通过原来文字估出大概意思，既新鲜又易于接受，因此较多被使用。如：“人气”指人望，人缘(日文汉字：人気)；“物语”指故事，传说(日文：物语)；‘铁板烧”指铁板烤肉(日文：鉄板焼)；“特卖”指特价销售，廉价销售(日文：特売)；“瘦身”指减肥(日文：瘦身)；“蒸发”指失踪，消失(日文：蒸発)、“转勤族”指经常屋或转换工作嘅人(日文：転勤)、“割价”指折扣，减价(日文：割引)等等。

　　但系有啲盏鬼嘅粤语外来词系对原来日文词语音译，因此唔容易理解，不过知道后又会觉得好得意，可能亦都系受年轻人欢迎嘅一个原因。如：“他妈哥池”，记唔记得啊，九十年代好HIT嗰种电子宠物鸡、电子宠物啊(日文：たまごっち)；“沙茄”意为(日本)清酒(日文：さけ)；“乌冬”，一种日本面条，切面(日文：うどん、饂饨)；“便当”即系饭盒(日文：べんとう、弁当)“华沙B”，山葵泥、又叫日本芥辣，食日式鱼生嘅必备佐料，超正！(日文：わさび)

[ 本帖最后由 dark 于 2008-1-15 13:32 编辑 ]